 შინაგან საქმეთა სამინისტრომ კიდევ ერთი ფარული ვიდეოჩანაწერი გაავრცელა,
რომელიც ორი დღის წინ პოლიციის მიერ დაკავებული მალხაზ გველუკაშვილის მიერ იარაღის
შესყიდვას ადასტურებს.
გველუკაშვილი `სახალხო მოძრაობა საქართველოს გადარჩენისთვის` წევრია. მალხაზ
გველუკაშვილს და მოძრაობის კიდევ ერთ წევრს ლაშა ჩხენკელს იარაღით სახელმწიფო
გადატრიალების მცდელობა და ტერაქტების ორგანიზება ბრალდებათ.
ფარულ ვიდეოკადრებში ჩანს მინიშნება კონკრეტულ გეგმებზე, ჯგუფებზე, რომლებმაც ეს
გეგმები უნდა განახორციელონ და მათი დაფინანსების წყაროებზე. იმის გამო, რომ
გამოძიება საწყის ეტაპზე იმყოფება, სამინისტრო თავს იკავებს დასკვნების
გაკეთებისაგან, გამოძიების შედეგები საზოგადოებისათვის ცნობილი გახდება.
მანამდე კი გველუკაშვილის ახლობლები შინაგან საქმეთა სამინისტროს სეპცოპერატიული
დეპარტამენტთან შეიკრიბნენ და მისი დაპატიმრება გააპროტესტეს. ისინი მალხაზ
გველუკაშვილის დაკავებას უკანონოს უწოდებენ და ამ ფაქტს გაზეთ `ასავალ-დასავალში`
გამოქვეყნებულ სტატიებს უკავშირებენ. გადაიწერეთ ვიდეო მასალა! განიხილეთ თემა ფორუმზე!
| 
