მაშველებმა უკვე დაასრულეს სანდროეულის ხუთ ნომერში მუშაობა, სადაც, ნგრევის შედეგად, ტელეკომპანია `რუსთავი 2`-ის ორი თანამშრომელი დაიღუპა. მათი ცხედრები მაშველებმა თოთხმეტსაათაინი ძებნის შემდეგ აღმოაჩინეს. ისინი უკვე გადაასვენეს პროზექტურაში შემდეგი ექსპერტიზისთვის.

წინასწარ არ საუბრობენ ნგრევის მიზეზებზე, ასევე მემონტაჟეების დაღუპვის კონკრეტულ მიზეზებზე არც მაშველები და არც სამართალდამცველები. უკვე დაწყებულია წინასწარი გამოძიება.

უბედური შემთხვევის ადგილზე დღეს საქართველოს პრეზიდენტიც იმყოფებოდა. მიხეილ სააკაშვილმა მოითხოვა, რომ ათ დღეში მზად იყოს დასკვნა მომხდართან დაკავშირებით. მან მადლობა გადაუხადა მაშველებს თავდადებული მუშაობისთვის. პრეზიდენტის თქმით, მსგავსი შენობების ანალიზი უნდა მოხდეს მთელ საქართველოში, რათამომავალში მსგავსი ტრაგედიების თავიდან აცილება შესაძლებელი იყოს.

შემთხვევა სანდროეული ქუჩაზე დილის ხუთ სათზე მოხდა. ტრაგედიას `რუსთავი 2`-ის ორი თანამშრომელი შეეწირა. `რუსთავი 2`-ისა და `მაგთის` ერთობლივი პროექტის `ვარსკვლავების აკადემიის` 5-სართულიანი შენობა ჩამოინგრა.

გიორგი გაბუნია და ნიკა გელაშვილი პროექტ `ვარსკვლავების აკადემიაში` მუშაობდნენ. 1982 წელს დაბადებულ გიორგი გაბუნია სხვადასხვა დროს მუშაობდა რუსთავი 2-ის პროექტებში`დასი და `ჯეობარი`. მას მეუღლე დარჩა, რომელიც გასული წლის ნოემბერს შეირთო. ნიკა გელაშვილი `რუსთავი 2`-ში 2009 წლის მარტიდან მუშაობდა. პროექტს ვასკვლავების აკადემიის მემონტაჟედ. ნიკა გელაშვილი 36 წლის იყო. მას მეუღლე და სამი წლის ვაჟი ჰყავს.

ვისაც სურს ვიდეო შეგილიათ გადაიწეროთ!