გთავაზობთ პოპულარული შემეცნებითი ტელეარხის ”ნაციონალური გეოგრაფიის”
(National Geographic) მიერ 2006 წელს გამოშვებულ ორ დოკუმენტურ ფილმს:
1)
”თვალთვალი” (Surveillance) - ნახეთ თუ როგორ იყენებს მთავრობა
თანამედროვე ტექნოლოგიებს ადამიანებზე თვალთვალისთვის და დამნაშავეების
გამოვლენისთვის... ქრისტიანს ძალაუნებურად გებადება კითხვა: ვის შეიძლება
სჭირდებოდეს ტოტალური კონტროლის ასეთი საშუალებები? ხელისუფლებაში
უგუნურები თუ მოვიდნენ როგორ გამოიყენებენ ამ ტექნოლოგიებს? და თუ
”ჭკვიანი” ბოროტი ძალა მოვიდა - მაშინ როგორი იქნება თვალთვალის მიზნები
და შედეგები? ბიოჩიპი, რომელსაც თურმე 20 წლის შემდეგ ყველა მოქალაქეს
გადაუნერგავენ ანტიქრისტეს ბეჭედთან რაიმე კავშირი ხომ არ აქვს?
ჟურნალისტის კომენტარი, რომ ჩიპიანი ადამიანები ”ვერსად დაემალებიან”
სახელმწიფოს, ძალაუნებურად გვახსენებს IV საუკუნეში მოღვაწე წმინდა მამის
ეფრემ ასურის წინასწარმეტყველებას: ”...ყველა ეცდება გაიქცეს და სადმე
თავი შეაფაროს, მაგრამ მწუხარებას ვერსად დაემალებიან.”
2)
”აღთქმის კიდობანი” (Hunt For The Ark Of The Covenant) - მეცნიერები
დღესაც ეძებენ ამ სიწმინდეს. ზოგი ვარაუდობს, რონ იგი ომარის მეჩეთში უნდა
იყოს დამალული. ჟურნალისტის შეკითხვაზე, თუ მართლა მეჩეთის ქვეშაა
კიდობანი, მაშინ მეჩეთის ბედი როგორი იქნებაო, იუდეველი გერშერ სოლომონი
ასე პასუხობს: ”იგი (მეჩეთი) უნდა მოშორდეს.” გადაცემაში ასევე
გაჟღერებულია მხოლოდ იუდეველთა პოზიცია, რომ კიდობანის აღმოჩენა
გამოიწვევს მესიის მოსვლასო. მეჩეთის დანგრევას შეიძლება მოყვეს მესამე
მსოფლიო ომი... და სადაა ქრისტიანთა პოზიცია, რომლებიც იუდეველთა მომავალ
”მესიას” ანტიქრისტეს უწოდებენ?!