აბონენტის გათიშვა დავალიანების გამო

აბონენტი ითიშება დავალიანების წარმოქმნიდან მეორე დღეს და ყოველ გათიშულ დღეზე ერიცხება სერვისის შენარჩუნების ტარიფი დღეში 0.4932 ლარი .
მინიმალური თანხა, რომლის გადახდაც შეუძლია აბონენტს

თუ აბონენტის სერვისი არ არის გამორთული დავალიანების გამო და ჩართული არ აქვს 10 დღიანი კრედიტი

აბონენტს შეუძლია ნებისმიერი თანხის გადახდა. თანხა დაჯდება მის ავანსზე და გაიხარჯება ყოველდღიური დარიცხვის მეთოდით.

თუ აბონენტის სერვისი გამორთულია დავალიანების გამო

აბონენტისთვის სერვისის მიწოდება აღდგება მხოლოდ დავალიანების და შემდეგი თვის სააბონენტო გადასახადის სრულად გადახდის შემთხვევაში. თუ დავალიანების გამო გათიშვის შემდეგ გადახდილი თანხა ვერ ფარავს დავალიანებას და შემდეგი თვის მთლიან სააბონენტოს, გადახდილი თანხიდან გაიქვითება დავალიანება, ნაშთი დაჯდება აბონენტის ავანსზე და დაელოდება მთლიანი თვის სააბონენტო გადასახადამდე შევსებას, რომ ჩართოს სერვისი.

თუ აბონენტი არის კრედიტით მოსარგებლე

იმისათვის, რომ კრედიტით სარგებლობის 10 დღიანი პერიოდის გასვლის შემდეგ აბონენტი არ გაითიშოს დავალიანების გამო, მან უნდა გადაიხადოს ერთი თვის სააბონენტო გადასახადი, რომლიდანაც გაიქვითება აბონენტის მიმდინარე საკრედიტო დავალიანება და დარჩენილი თანხა დაჯდება ავანსზე. წინააღმდეგ შემთხვევაში, აბონენტი გაითიშება დავალიანების გამო და მასზე იმოქმედებს გადახდის ყველა ის წესი, რომელიც მოქმედებს დავალიანების გამო გათიშულ აბონენტებზე

დავალიანების გამო გამორთული აბონენტის გაუქმება

დავალიანების გამო გათიშვიდან 10 დღის განმავლობაში აბონენტები მათ მიერ ჩვენს ბაზაში დაფიქსირებულ მობილურ ტელეფონზე იღებენ შეხსენებას დავალიანების გადახდის შესახებ, ხოლო მე–10 დღეს იწყება აბონენტის გაუქმების პროცედურა, რომელმაც შიძლება დაიკავოს მინიმუმ ერთი და მაქსიმუმ 20 დღე. ყველა გაუქმებული აბონენტი ფიქსირდება თავისი დავალიანებით. დავალიანებული აბონენტის მიერ სერვისის ხელახალი ჩართვის შემთხვევაში, სერვისი ჩაირთვება მხოლოდ არსებული დავალიანების დაფარვის შემდეგ.

უფასო შეჩერების სერვისი

„კავკასუს ონლაინის“ ნებისმიერი სერვისის მომხმარებელს შეუძლია ისარგებლოს უფასო შეჩერების სერვისით – 20 დღე სააბონენტო წელიწადში. (სააბონენტო წელიწადში იგულისხმება აბონენტის აქტივაციის თარიღიდან შემდეგი წლის იმავე თარიღამდე პერიოდი). ამ სერვისით სარგებლობისათვის აბონენტი პირადობის მოწმობით უნდა მოვიდეს სერვის–ცენტრში ან დარეკოს კომპანიის სატელეფონო ცენტრში ჩვენს ბაზაში მის მიერ დაფიქსირებული რომელიმე ნომრიდან.

ფასიანი შეჩერების სერვისი

ფასიანი შეჩერების გადასახადია სერვისის შენარჩუნების ტარიფი- 0.4932 ლარი/დღე (15 ლარი/თვე). ამ სერვისისით სარგებლობა აბონენტს შეუძლია მხოლოდ იმ შემთხვევაში, თუ ბალანსზე აქვს მოთხოვნილი დღეების ღირებულების შესაბამისი თანხა, წინააღმდეგ შემთხვევაში– ფასიანი შეჩერების მოთხოვნამდე ჯერ უნდა შეავსოს ბალანსი შესაბამისი თანხით. ფასიანი შეჩერების მაქსიმალური შესაძლო რაოდენობა- 30 დღე სააბონენტო წელიწადში. (სააბონენტო წელიწადში იგულისხმება აბონენტის აქტივაციის თარიღიდან შემდეგი წლის იმავე თარიღამდე პერიოდი). ამ სერვისით სარგებლობისათვის აბონენტი პირადობის მოწმობით უნდა მოვიდეს სერვის–ცენტრში ან დარეკოს კომპანიის სატელეფონო ცენტრში ჩვენს ბაზაში მის მიერ დაფიქსირებული რომელიმე ნომრიდან.

გთხოვთ, გაითვალისწინოთ:
00:00:00–დან 03:00:00–მდე გადახდილი თანხა აბონენტის ანგარიშზე აისახება 03:00:00 სთ–ის შემდეგ


2009-07-01


შპს „კავკასუს ონლაინმა“ გაითვალისწინა, რომ აბონენტთა დიდი ნაწილში გაუგებრობას იწვევდა ის ფაქტი, რომ თვის განმავლობაში სააბონენტო გადასახადი ერიცხებოდათ კალენდარული თვის მიხედვით (მუდმივი იყო თვის განმავლობაში გადასახდელი თანხა, მაგრამ ერთი დღის ფასი უფრო მეტი იყო იმ თვეებში, სადაც ნაკლებია დღეების რაოდენობა) და 01/07/2009–დან გადადის სააბონენტო გადასახადის დარიცხვის ყოველდღიურ სისტემაზე, რაც მდგომარეობს შემდეგში:
ყოველდღიურად აბონენტს დაერიცხება გადასახადი, რომელიც დაითვლება ფორმულით: პაკეტის ყოველთვიური სააბონენტო გადასახადი * 12 თვე /365 დღე

რა შეიცვლება ამ სისტემაზე გადასვლით?

მომხმარებელი წლის განმავლობაში გადაიხდის იგივე თანხას, რასაც იხდიდა დარიცხვის ყოველთვიური სისტემის დროს (12 * სააბონენტო გადასახადი).

თუ მომხმარებელი დავალიანების არ არსებობის შემთხვევაში გადაიხდის ზუსტად პაკეტით გათვალისწინებულ სააბონენტო გადასახადს, ამ თანხით დაიფარება დაახლოებით 30,5 დღე.

დავალიანების გამო აბონენტის გათიშვა მოხდება იმ დღის ბოლოს, როდესაც მის ავანსზე არსებული თანხა ნაკლები გახდება სერვისზე არსებულ დავალიანებაზე.