საქართველოს ეროვნული ნაკრების კაპიტანი, კახა კალაძე ბოდიშს უხდის გუნდს იმ ორი ავტოგოლის გამო, რომელთა შედეგადაც, გუშინ, ბორის პაიჭაძის სახელობის ეროვნულ სტადიონზე გამართულ მსოფლიოს 2010 წლის ჩემპიონატის შესარჩევი ტურნირის მატჩში, ქართველი ფეხბურთელები იტალიასთან 0:2 დამარცხდნენ.

“გუნდმა ეს შეხვედრა კარგად ჩაატარა, ბიჭებმა გული და სული ჩადეს თამაშში, მაგრამ ჩემი შეცდომების შედეგად ორი გოლი გავუშვით. მე გულწრფელად ვიხდი ბოდიშს ამ ავტოგოლების გამო. გასაგებია, რომ ეს ფეხბურთია და ყველაფერი ხდება, მაგრამ ამგვარი სიტუაცია არ შეიძლება არ მაღიზიანებდეს. არც კი ვიცი, სხვა რა ვთქვა... აპლოდისმენტები იტალიას”, - ავრცელებს კალაძის განცხადებას Football Italia.