საქართველოს კალათბურთელთა ეროვნულმა ნაკრებმა, B დივიზიონის ფლეი-ოფის განმეორებით შეხვედრაში ბელარუსი "სპორტის სასახლეში" 86:84 დაამარცხა და A დივიზიონის საგზური ოფიციალურად მოიპოვა.
პირველი ტაიმის 52:46 მოგების შემდეგ, მესამე და მეოთხე მეოთხედებში სტუმრებმა ქართველებზე უკეთ ითამაშეს და შეხვედრამ საკმაოდ დაძაბულად ჩაიარა, მაგრამ საბოლოოდ საქართველოს ნაკრებმა შეხვედრის საკუთრივ სასარგებლოდ დასრულება მაინც მოახერხა. ქართველთაგან საუკეთესო მოთამაშე ვიქტორ სანიკიძე გახდა, რომელმაც 18 ქულას 10 მოხსნა შემატა და ორმაგი დუბლი შეასრულა, ტაირონ ელისის ანგარიშზე კი 17 ქულაა. მთლიანობაში, შეხვედრაში ყველაზე შედეგიანი ბელარუსელი კუდრიავცევი გახდა, რომელმაც 28 ქულას მოუყარა თავი.